சந்தியா வந்தனமும்- பிரம்ம முகூர்த்தமும்.26-03-2015. santhiya vanthanam .

                   சந்தியா வந்தனமும்- பிரம்ம முகூர்த்தமும்.

அன்புடையீர் வணக்கம்.

நமது நாட்டினர் எப்பொழுதும் சில செய்திகளை ஆராய மாட்டார்கள்.அதனால் ஒருவர் ஒரு கருத்தைக் கூறுகிறார் என்றால் அதற்குரிய உண்மையான காரணம் என்னவென்று பார்க்காமலே அப்படியே ஏற்றுக் கொண்டு விடுவர். இதானல் எழும் சிக்கலே தற்பொழுது நாம் நடத்திக் கொண்டிருக்கும் பிரம்ம முகூர்த்தம் எனும் அமைப்பாகும்……..

முகூர்த்தம் ;

இந்து சமயத்தினர் தங்களது வாழ்வியல் செயல்களைத் தொடங்குவதற்கு சில சடங்கு முறைகளை உருவாக்கியுள்ளனர்… அதேபோல் இறைவழிபாட்டுக்குரிய காலம் எதுவென்றும் உருவாக்கியுள்ளனர். இந்த காலங்களை அக்காலங்களில் முகூர்த்தம் என்றே அழைத்தனர். அம்முகூர்த்தங்களில் சடங்குளையும், இறைவழிபாட்டையும் நடத்தி வந்துள்ளனர். இதில் இறைவழிபாட்டிற்குரிய காலங்களில் சடங்குகளைச் செய்ததில்லை… செய்யவும் கூடாது. ஏனெனில் இறைவழிபாடு நடத்தப்படும் காலம்(முகூர்த்தம் ) தீயதாகும்..அந்த தீய விளைவுகளை நீக்கி நற்பலன்களை ஏற்படுத்தி தருவதற்கே இறை வழிபாடுகள் நடத்தப் படுகின்றன.

தெய்வசக்தி- தீயசக்தி;

தெய்வசக்தியாக இறைவனையும் – தீயசக்தியாக பேய் போன்றவற்றையும் எடுத்துக் கொள்க….

உலகத்தில் எத்தனையோ விசயங்கள் பிரிந்து விடுகின்றன. ஏன் கணவன் –மனைவி வாழ்க்கை கூட பிரிவு ஏற்பட்டு வாழ்கின்றனர்… ஆனால் எவராலும் பிரிக்க முடியாத உறவு ஒன்று இருக்கிறதென்றால் அது தான் தெய்வசக்தி-தீயசக்தி உறவாகும். தெய்வசக்தி இல்லாமல் தீயசக்தி வாழமுடியாது..அதேபோல் தீயசக்தி இல்லாமல் தெய்வசக்தியால் வாழமுடியாது. தெய்வசக்தியால் ஒரு பொழுதும் தீயசக்தியை முற்றிலும் ஒழிக்க முடியாது. அதேபோல் தெய்வசக்தியை துன்பப்படுத்தாமல் தீயசக்தியினால் இருக்கமுடியாது.  இதில் எவர் பெரியவர் என்று முடிவிற்கு வர முடியாது. இருப்பினும் தெய்வசக்தியும் ,தீயசக்தியும் எப்பொழுதும் வாழ்ந்து கொண்டே இருப்பர். இவர்களை அழிப்பதற்கு எந்த சமயவாதிகளும் துணிவடையமாட்டார்கள்… சமயங்கள் (மதங்கள்) தங்களுக்குள் பலவற்றில் வேறுபாட்டுடன் கூடிய கொள்கைகள் இருந்தாலும், இந்த தெய்வசக்தி-,தீயசக்தி விசயத்தில் ஒரே கருத்துடன் இருக்கின்றன.

சமயங்களின் அடிப்படை தன்மை, இந்த தெய்வசக்தி-தீயசக்தி கொள்கையிலேயே வடிவமைக்கப் பட்டுள்ளன. இதற்காகத் தான் அவ்வளவு பெரிய புனித நூல்கள் உருவாக்கப்பட்டு அன்றாடம் அதில் உள்ள கோட்பாடுகள் மானுடத்திற்கு போதிக்கப்படுகின்றன.

மானுடத்தின் நற்செயல்கள் அனைத்தும் கடவுளிடமிருந்து பெறப்பட்டதாகும்…அதேபோல் தீய செயல்கள் அனைத்தும் தீயசக்திகளிடமிருந்து பெறப்பட்டதாகும். மதங்களும், சமயவாதிகளும் ஒருக்காலும் தீயசக்திகள் இல்லாத உலகத்தை உருவாக்க முடியாது. அப்படி தீயசக்திகள் இல்லாத உலக்கத்தை ஏற்படுத்திவிட்டால் சமயவாதிகளுக்கு எந்த பணியும் இல்லாமல் போய்விடும்.. கடவுளின் அடிப்படைப்பணியே தீயசக்திகளின் செயல்களைக் கட்டுப் படுத்துவதாகும். இந்தப் பணியையே கடவுளின் பெயரால் சமய சான்றோர்கள் செய்து கொண்டு வருகின்றனர்..

தீயசக்திகள் வாழுமிடங்கள் ;

அடர்த்தியான இடங்கள், மலை உச்சி, மரத்தின் உச்சி, பருவகாலசந்திப்புகள், அயன சந்திப்புகாலங்கள், மாதசந்திப்புகள், பட்ச சந்திப்புகள், நாளின் பகலிரவு சந்திப்புகள், கருக்கல் காலம், ஒன்றின் தொடக்ககாலம், தலையின் உச்சிமண்டை. வீட்டின் வாசல் நிலை, படிக்கட்டுகள், வீட்டின் மூலைகள், தெருமுனைகள், முச்சந்தி, நாற்சந்திகள், பாழடைந்த கட்டிடங்கள், முற்றுப்பெறாத பகுதிகள், ஒழுங்கற்ற இடங்கள் போன்றவை தீயசக்திகள் வாழுமிடங்களாகும்.

அடர்த்தியான இடங்கள்;

பொதுவாக மரங்களும்,கொடிகளும்,செடிகளும் அடர்த்தியாக உள்ள பகுதிகளில் உள்ளே நுழைவதற்கு நமது மனம் எவ்வளவு அச்சப்படுகிறது என்று அப்பகுதிகளுக்கு சென்றவர்களுக்கு நன்கு விளங்கும்… நிச்சயமோ, இல்லையோ அப்பகுதிகளில் தீயசக்திகள் இருக்கலாம் என்ற அச்சம் நம்மிடம் இருக்கிறது.

அதனாலேயே வனக்கோயில்கள் இங்கு உருவாக்கப் பட்டன. இங்குள்ள தீயசக்திகள் அனைத்தும் எனது கட்டுப்பாட்டில் உள்ளன. எவரும் அச்சம் கொள்ளத்தேவையில்லை என்ற நோக்கில் கோயில்கள் கட்டப்பட்டன.

மலை உச்சி ;

மலை உச்சியில் எல்லாம் ஏறாதீங்கய்யா. அங்கே தீயசக்திகள் வாழ்கின்றன. அங்கு நீங்கள் சென்றால் உங்களைப் பிடித்துக்கொள்ளும் என்று பெரியோர்கள் சொல்லக் கேட்டிருப்பீர்கள். மலைஉச்சி என்பது நிலப்பகுதியின் உயர்ந்த இடமாகும். அதற்கு மேல் வானமாகும். அதனால் மலையும் வானமும் சந்திக்கும் அந்த மலைஉச்சிப்பகுதி தீயசக்திகள் வாழுமிடமாகும்.

நண்பர்களே !!அதனாலேயே மலையின் உச்சியில் இறைவனின் கோயில்கள் கட்டப்படுகின்றன. மலையின் உச்சியில் உள்ள தீயசக்திகள் எனது கட்டுப்பாட்டில் உள்ளன. மக்கள் எவரும் பயப்பட வேண்டாம் என்ற நோக்கத்தில் தான் மலைகளில் அனைத்து சமயத்தினரும் கோயில்களைக் கட்டினர்….. ஆதி மானுடத்தின் கண்டு பிடிப்பாகும்..

மரத்தின் உச்சி;

வேப்பமர உச்சியில் நின்னு பேயொன்று ஆடுதென்று விளயாடப் போகும் போது சொல்லி வைப்பாங்கள்……(பட்டுகோட்டையார்) மரத்தின் உச்சிப்பகுதியும் வானமும் சந்திக்கும் இடம் மர உச்சியாகும். அந்த இடத்தில் தீயசக்திகள் வாழ்கின்றன…. எனவே அந்த மரத்தில் கோயில்கள் எழுப்பப்பட்டு வழிபாடுகள் நடத்தப்படும்..

மர உச்சியில் உள்ள தீயசக்திகளை விரட்டுவதற்கு மரங்களையே இறைவனாக்கி வழிபட்டு தீயசக்திகளின் அச்சத்தில் இருந்து விடுபடுவதாகும் .மரங்கள் எப்படி தெய்வமானது என்பதற்கு விளக்கம் இதுவாகும்…

பருவகால சந்திப்புகள் ;

கால பருவங்களை பின்னர் விளக்குவோம். இங்கு மங்கை பருவத்தை விளக்குவோம். ஒரு பெண் பூப்பெய்திவிட்டாள் என்றும் சடங்காகிவிட்டால் என்றும் கூறுகின்றனர்.. பெண்ணானவள் குழந்தைத் தன்மையிலிருந்து, குழ்ந்தை பெற்றெடுக்கும் தன்மைக்கு மாறிய காலம்,இரண்டு பருவங்கள் சந்திக்கும் காலம் தீயகாலமாகும்..இந்த காலத்தில் தீயசக்திகள் அப்பெண்ணை பிடித்துவிடக்கூடாது என்பதற்காக செய்யப்படும் சடங்கே பூப்புனித நீராட்டுவிழாவாகும்… அதனடிப்படையில் சில பேயோட்டும் தன்மையில் செயல்களை செய்வர். ருதுவான பெண்ணிற்கு பக்கத்தில் இரும்புகம்பி,உலக்கை, துடைப்பக்கட்டை பொன்றவையெல்லாம் எதற்கு வைக்கிறார்கள் என்று பெரிய பெண்களிடம் கேட்டுக்கொள்ளுங்கள்……உங்கள் வீட்டு பெரிய அம்மையார்களிடம் ருது சடங்குகள் என்று எவற்றை செய்கிறீர்கள் என்று கேட்டு தெரிந்து கொள்ளுங்கள்…..

இங்கிருந்து தொடங்கிய தீயசக்தியை விரட்டும் பணியே பின்னர் ஒவ்வொரு மாதமும் பெண்கள் மாதவிடாய் ஆகும் காலங்களில் உலக்கையுடன் பிரித்து வைத்திருக்க காரணமானது…. தீயசக்தியை ஓட்டுவதே நமது அன்றாடப் பணியாகும்.. ஆனால் அவை தனியாக பிரித்து பார்க்காமல் வேறு ஒன்றுடன் தொடர்பு படுத்தப் பட்டிருக்கும்.

அயனசந்திப்புகள்;

உத்தராயணகாலம் / தட்சினாயனகாலம் ஆகிய இரண்டு பருவ சந்திகளும் இறை வழிபாட்டிற்குரிய நாட்களாக தேர்ந்தெடுக்கப்பட்டு விழாக்கள் நடத்தப்படுகின்றன. இக்காலங்களில் வேறு எவ்வித வாழ்வியல் சடங்குகளும் செய்யப்படுவதில்லை.

மாதசந்திகள்;

ஒவ்வொருமாத தொடக்ககாலமும் இறைவழிபாட்டிற்குரிய நாட்களாக உருவாக்கப் பட்டு கோயில்களில் வழிபாடுகள் நடத்தப்படுகின்றன.

பட்சசந்திகள்;

அமாவாசை / பௌர்ணமி நாட்கள் வளர்பிறை,தேய்பிறை சந்திக்கும் காலமாகும்.. இந்த இரு நாட்களிலும் இறை வழிபாடுகள் மட்டுமே செய்யப்பட்டன. முகூர்த்த விதிகளில் தீங்கான நாட்களாக பிரிக்கப்பட்டுள்ளன. தற்பொழுது சிலர் நிறைந்த அமாவாசைக்கு எந்த தீங்கும் கிடையாது என்று சில செயல்களைத் தொடங்குகின்றனர். உண்மையில் அமாவாசை நல்ல நாட்களின் வரிசையில் இல்லை….

நாளின் பகலிரவு சந்திப்புகள் ;

ஒருநாளின் இரவு பொழுது முடிந்து பகல் பொழுது தொடங்கும் காலம் சந்திகாலம் என்றழைக்கப்படுகிறது.அதேபோல் பகல் பொழுது முடிந்து இரவுபொழுது தொடங்கும் காலமும் அந்திசந்தி காலம் என்றும் அழைக்கப்படுகின்றது..இக்காலங்களில் தீயசக்திகளின் செயல்கள் அதிகமாக இருக்கும் என்பதால் இறைவனை வழிபாடு செய்ய வேண்டும் என்று விதிகள் ஏற்படுத்தப்பட்டுள்ளன.

கருக்கல் காலம் ;

கருக்கலில் புறப்பட்டு செல்லாதே!!! காத்து ,கருப்பு அடித்துவிடும் என்பது மூதுரையாகும்.. நன்றாக விடிந்த பின்பு சென்றால் எந்த தீங்கும் ஏற்படாது என்றனர். இந்த காத்து கறுப்பை விரட்டுவதற்காகவே இறைவழிபாடுகள் செய்யப்படுகின்றன.

ஒன்றின் தொடக்ககாலம் ;

எந்த ஒரு புதிய செயலும் தொடங்குவதற்கு இறை வழிபாட்டை தேர்ந்தெடுப்பதற்கு காரணம்,, தொடக்கத்திற்கும். தொடக்கமின்மைக்கும் இடைப்பட்ட சந்திகால தீயதன்மையை தவிர்ப்பதற்காவே  வழிபாடுகள் செய்யப்படுகின்றன.

தலையில் கை வைக்காதே !!

தலை நமது உடலின் மேற்பகுதியாகும். இந்த மேற்பகுதிக்கு மேல் விண்வெளி வந்துவிடுகிறது. அதனால் தலையும் விண்ணும் சந்திக்கும் இடம் என்பதால் தலையில் கை வைக்காதே என்றனர்..அப்பகுதியில் தீயசக்திகள் வாழுமிடமாகும். எனவே தலையில் கைவைக்காதே என்றனர்..

மனிதன் தனது தலையில்  தலைப்பாகை, குல்லா, தொப்பி, முக்காடு, போட்டுக் கொள்வதற்குரிய காரணம் என்னவென்றால் , தீயசக்திகளிடமிருந்து தன் முயற்சியில் காப்பாற்றிக் கொள்வதற்காக அணியப்பட்டதாகும். மாகாபாரதக் கதையின் படத்தில் கூட தலைக்கு வந்த தீயசக்தி ,தலைப்பாகையுடன் சென்றது..என்றனர்.

கோயில்களில் கொடுக்கப்படும் புனித தீர்த்தங்கள் தலையில் தெளித்து கொள்வதற்காக கொடுக்கப்படுகிறது..சில கோயில்களில் கும்பாபிசேகம் முடிந்தவுடன் கோபுர உச்சியில் இருந்து புனித நீர் அனைவரின் தலைகளிலும் தெளிக்கப்படும்….கிறித்துவ ஆலயங்களில் புனிதநீர் தலையில் தெளித்துக் கொண்டே செல்வார்கள். அதேபோல் புனித ஆற்றிலோ, கடலிலோ, குளத்திலோ குளிக்கும் பொழுது தலையை மூழ்கி குளியுங்கள் என்பார்கள்.. குளிக்கமுடியாத சிலர் அந்த புனிதநீரை தங்கள் தலையில் தெளித்துக் கொள்வதைக் காணலாம்.. இவ்வாறு தலையில் உள்ள தீயசக்திகளை விரட்டுவர்.

நாராயண பக்தர்கள் கோயிலுக்கு செல்லும் பொழுது தீர்த்தத்தை வாங்கி தலையில் தெளித்துக் கொண்டும், கண்டிப்பாக சடாரியை தலையில் வைத்த பின்னர் தான் புறப்படுவர்,.இவை தீயசக்திகளிடமிருந்து காப்பாற்றும் என்ற நம்பிக்கை உள்ள தன்மையாகும். மானுட தலை எப்படியெல்லாம் தீயசக்திக்ளிடமிருந்து காப்பாற்றப் படுகிறது என்று நன்கு விளங்கியிருக்கும்…… 

ஆண்டவனிற்கு மொட்டை போடுவதற்குரிய காரணமே இதன் அடிப்படையில் வந்ததாகும். தலையில் உள்ள முடிப்பகுதி வானமும்,மனிதனும் சந்திக்கும் இடமாகும். அங்கு தீயசக்திகள் தங்கியிருக்கலாம் என்ற நோக்கில் அவற்றை இறைவனிடமே சேர்த்து விடுவோம் என்ற அடிப்படையில் முடிகாணிக்கைக் கொடுக்கப்படுகிறது… இதுவே முழுமையான ஆன்மீகக் காரணமாகும்.. நமது உடலின் வேறு எந்தப் பகுதியும் சந்தி நிலையில் இல்லாததால் மற்ற எதையும் காணிக்கையாக கொடுக்கத் தேவையில்லை..

அதனாலேயே ஆன்மீகப்பெரியோர்கள் ஒவ்வொரு பௌர்ணமி அன்றும் மொட்டை அடித்துக் கொள்வர்… மொட்டையடித்து முக்காடு போடுவதற்குரிய காரணமும் இதுவாகும்…. ஒரு சிலர் தலைபாகை வைத்து தலையை மறைத்துக் கொள்வர்…

கோயிலின் கோபுரம் உயரமாக கட்டப்படுவதற்கு காரணம் இதுவேயாகும். ஊரின் கோயில் கோபுரம் உயரமாக இருப்பதால் வானமும் கோபுரத்தின் உச்சியின் சந்திப்பு நமக்கு மேலேயே இருந்துவிடுகிறது. இறைவன் கோபுரத்தின் உச்சியிலிருந்து தீயசக்திகளை ஒடுக்கி நம்மை காப்பாற்றுகிறார். ஆதலால் கோயில் இல்லாத ஊரில் வாழாதே என்றும் கூறப்பட்டுள்ளது. ஒரு நல்ல நாளில் கும்பாபிசேக விழா நடத்தப்பட்டு கோபுரத்தின் உச்சிக்கு புனித நீராட்டுவிழாவும் செய்யப்படும்….இவை தீயசக்திகளை விரட்டுவதாகும்….

வீட்டின் வாசல் நிலை ; 

வீட்டின் வாசல் நிலை என்பது .வீடும், வெளிப்பகுதியும் சந்திக்குமிடமாகும்..எனவே இந்த பகுதியில் தீயசக்திகள் குடி கொண்டிருக்கும் அதனாலேயே நிலையும் கதவும் சாமி படங்களாலும்.சுத்தப்படுத்தி பூஜை செய்வதாலும் தீயசக்திகள் அகற்றப் படுகின்றன. கொடுக்கல்,வாங்கல் – பேச்சுக்கள் போன்று எதுவானாலும் வீட்டின் நிலைக்கு இந்த பக்கமோ அல்லது அந்தப்பக்கமோ இருந்து செயல்படவேண்டும். நிலையை நடுவில் நிறுத்தி செயல்படக் கூடாது என்று கூறியுள்ளனர். இதன் பொருட்டே நாம் தினமும் வாசலை சுத்தம் செய்து கோலமிட்டு வழிபாடு செய்து வருகிறோம்.. ….

படிக்கட்டுகள், வீட்டின் மூலைகள்;

அனைத்துப்படிக்கட்டுகளும், உள்பகுதி, வெளிப்பகுதியை இணைக்கும் சந்திப் பகுதியாகும். இவை தீயசக்திகள் இருக்குமிடமாகும். ஆதலால் அங்கு அமராதே என்று கூறப்பட்டது. அதே போல் வீட்டின் மூலைகள் மூதேவி வாழுமிடமாகும். அதனாலேயே மூலையில் உட்காராதே என்று கூறுவர்…வீட்டின் மூலைகள்—வடக்கு+கிழக்கு போன்று அனைத்து திசைகளின் சுவர்களும் இணையும் சந்திப்பகுதியாகும். இந்த இடங்களில் தீயசக்திகள் வாழும் என்றுள்ளது..அதனாலேயே வீட்டின் அனைத்து மூலைகளிலும் தெய்வபூஜை முடிந்தவுடன் புனித நீர் தெளிக்கப்படும்.. படி பூஜை செய்வதும் இதன் அடிப்படையே ….

தெருமுனைகள், முச்சந்தி, நாற்சந்திகள்

தெருமுனைகளும்.முச்சந்திகளும், தீயசக்திகள் வாழுமிடமாகும். இங்கு ஒரு தெருவுடன் மற்றொரு தெரு சந்திக்கும் பகுதியாகும். எங்கு சந்திக்கும் தன்மையுள்ளதோ அங்கு தீயசக்திகளின் தாக்கம் அதிகமாக இருக்கும் என்று கூறப்பட்டுள்ளது..அதனால் தீயசக்திகளைக் கட்டுப்படுத்துவதற்காகவே அப்பகுதியில் இறைவன் வாழும் கோயில்கள் எழுப்பப்படுகின்றன..முச்சந்தியில் கோயில் கட்டுவதற்கு காரணம் இதுவேயாகும்… அங்குள்ள இறைவன் தீயசக்திகளை கட்டுபடுத்திக் கொண்டெ இருப்பான்..

பாழடைந்த கட்டிடங்கள், முற்றுப்பெறாத பகுதிகள், ஒழுங்கற்ற இடங்கள்

இவற்றில் தீயசக்திகள் வாழும் என்று பல திரைப்படங்களின் மூலமாக அறிந்திருப்போம். எனவே இவற்றைக்கட்டுப்படுத்தவும் இறைக்கோயில்கள் ஏற்படுத்தப்படும். அல்லது எந்த மானுடரும் வாழாத பகுதியாக மாறிவிடும்….

சந்தியாவந்தனம் ;

இந்துசமய வேதியர்களுக்கு தெய்வசக்தியை அழைப்பதற்காக ஏற்படுத்தப்பட்ட வழிபாட்டு முறையே சந்தியாவந்தனமாகும்..ஒரு நாளின் பகலிரவு சந்திப்பு காலங்களான அதிகாலை கருக்கள் நேரமும், அந்தி சாயும் கருக்கள் நேரமும் ஆகும். இந்த காலங்களில் தீயசக்திகளின் தாக்கம் அதிகமாக இருக்கும் என்பதால் கடவுளை அழைத்து மக்களையும் உலகையும் காக்கும் பொருட்டு அன்றாடம் வழிபடும் ஒரு செயலாகும். சந்தியாவந்தனவழிபாடு இந்து சமய வேதியர்களுக்கு கட்டாயமாக்கப்பட்டுள்ளது. 

எனவே வேதம் கூறும் வேதியர் அனைவரும் தினமும் இரு வேளைகள் சந்திவந்தனம் செய்யவேண்டும்…வேதியர்கள் அனைவரும் உலக நன்மைக்காக தங்களை அர்பணித்துக் கொண்டவர்கள். ஆதலால் அவர்களுக்கு மட்டும் இந்த சந்தியா வந்தனம் கட்டாயமாக்கப்பட்டுள்ளது…. தீயசக்திகளின் தாக்கம் கூடுதலாக இருக்கும் காலம் என்பதால் சந்தியாகாலம் தீய காலமாகும்…

பிரம்ம முகூர்த்தம் ;

பிரம்ம முகூர்த்தம் என்று வேதங்களிலோ அல்லது கிருஹ்ய ஸூத்திரங்களிலோ அல்லது முகூர்த்த நூல்களிலோ கூறப்படவில்லை…

இந்து சமயத்தை பொறுத்தவரை எந்த ஒரு சடங்கானாலும் பகலிலேயே செய்யப்பட வேண்டும் என்று விதியை ஏற்படுத்தியுள்ளது. வாழ்வியற் சடங்குகள் ,அதற்குரிய விதிமுறைகளைப் பின்பற்றி முறையாக ஸூரிய உதயத்திற்குப்பின்னர் நல்ல நேரங்களை தேர்ந்தெடுத்து செய்யவேண்டும் என்று கூறப்பட்டுள்ளது.. எந்த ஒரு வாழ்வியற் சடங்கும் இரவு நேரத்தில் செய்யக்கூடாது என்றும் கூறப்பட்டுள்ளது. அதனால் அதிகாலைக்கு முன்னர் செய்யப்படும் பிரம்மமுகூர்த்த சடங்குகள் சாத்திரத்தில் கூறப்படவில்லை…

எடுத்துக்காட்டாக இரண்டு சடங்குகளை இங்கு குறிப்பிடுகிறேன்…

1.கருப்பாதானச்சடங்கு; 

அக்காலத்தில் சிறு குழந்தை விவாகம் நடத்தப்பட்டது…அதனால் பெண் பருவமடைந்தவுடன் கணவன் –மனைவி உடல்சேர்க்கைக்காக கற்பாதானச்சடங்கு செய்யப்பட்டது. இரவிலே உடல் சேர்க்கை ஏற்பட்டாலும் செய்கின்ற சடங்குகள் பகலிலேயே செய்யப்பட்டன..

2,அந்தியேஸ்டி:

மானுடம் இறந்த பின்னர் செய்யப்படும் சடங்காகும். இறப்பு எப்பொழுது நடந்திருந்தாலும் சுடுகாட்டில் செய்யப்படும் சடங்குகள் பகலிலேயே செய்யப்பட்டன.

இவை போல் எந்த ஒரு சடங்கும் கடவுளை வேண்டி செய்யப்பட்டதாகும். அவை அனைத்தும் பகலிலேயே செய்யப்பட்டன.

காலச்சூழ்நிலையாலும், மக்கள் பெருக்கத்தினாலும், நல்ல புரோகிதர் கிடைப்பது அரிதானதாலும் இந்த பிரம்ம முகூர்த்த நேரத்தை விதி விலக்காக ஏற்றுக்கொள்ளக்கூடிய சூழலில் வாழ்ந்து கொண்டிருக்கிறோம்..

எனவே பிரம்ம முகூர்த்த நேரம் என்பது விதி விலக்கப்பட்ட முகூர்த்த நேரமாகும்…

மிக்க நன்றி..

Professor.Dr.T.Vimalan. Ph.D.

26 / 03 / 2015 .  

Read More

காலசர்ப்ப தோசம் என்பதெல்லாம் தேவையற்ற அச்சமே-21 / 03 / 2015.

காலசர்ப்ப யோகம் / தோசம் என்பதெல்லாம் தேவையற்ற அச்சமே…….

அன்புடையீர் வணக்கம்…மீண்டும் உங்கள் அனைவரையும் எனது பிளாகில் சந்திப்பதில் பெறு மகிழ்ச்சியடைகிறேன்……

காலசர்ப்ப தோசம் அல்லது யோகம் என்று சமீபகாலமாக மக்களை அச்சுறுத்தி பரிகாரங்களையும், பலன்களையும் கூறிவருகின்றனர்..இச்செயல் வன்மையாக கண்டிக்கப்பட வேண்டியதாகும்………இந்த அச்சுறுத்தும் யோகம், தோசத்திற்கு அடிப்படையான கோள்கள் இராகு , கேதுவை பற்றி விவாதிப்போம்.

இராகு;  

சோதிட சாத்திரத்தில் இராகுவை ஒரு கோளாக பார்ப்பது கி.பி 10 ஆம் நூற்றாண்டிற்கு பின்னரே ஆகும். அதற்கு முன் இராகு என்பது கிரகணம் ஆகும். இராகு என்றால் கிரகணம் என்ற கூற்றும் உள்ளது. வால்மீகி எழுதிய இராமாயணத்தில் இராகு என்ற சொல் முழுவதும் கிரகணத்தைக் குறிக்கும் சொல்லாகவே எழுதப்பட்டுள்ளது…..அங்கு இராகு என்பது ஒருகோள் என்று எங்கும் எழுதப்படவில்லை. வராகமிகிரர், கல்யாணவர்மர்,ஸிரிபதி.போன்ற சோதிடர்கள் தங்கள் நூற்களில் இராகு,கேதுவை கோள்களாக குறிப்பிடவில்லை. பின்னர் வந்த சோதிடர்கள் இராகுவையும் கேதுவையு கோள்களாக்கி அவற்றுக்கும் பலன்களை கூறியுள்ளனர்.. 

வராகமிகிரர் தனது ‘பிருகத்சம்கிதா’ என்ற நூலில் பகுதி 5ல் இராகு என்ற தலைப்பில் கிரகணம் பற்றியும் அவை ஏற்படும் இராசிகளை கணக்கில் கொண்டு எந்தெந்த நாட்டிற்கு தீமைகள்,நன்மைகள் ஏற்படும் என்று கூறியுள்ளார்..இதில் இராகுவை பாம்பின் தலை என்றும், அதன் 180 பாகையை பாம்பின் வால் என்றும் குறிப்பிடுகிறார்…..கேது என்று கிரகணத்தை வராகமிகிரர் குறிப்பிடவில்லை…..

கேது;

கேது என்ற வார்த்தைக்கு சரியான வடமொழி பெயர் புகையாகும்….வானத்தில் தென்படும் வால்நட்சத்திரங்களே கேது (comet) என்று அழைக்கப்பட்டுள்ளன…கேது என்ற கோளை பழைய சோதிட அறிஞர்கள் எவரும் தங்களது நூலில் குறிப்பிடவேயில்லை…..வராகமிகிரரின்,  “பிருகத் சம்கிதாவில்” பகுதி 11 ல் On Comets என்ற தலைப்பில் வால்நட்சத்திரங்களைப் பற்றி குறிப்பிடுகிறார்…அந்த வால் நட்சத்திரங்களை கேது என்றே குறிப்பிடுகிறார். வால் நட்சத்திரங்கள் தோற்றத்தில் நீண்ட வாலுடைய புகை போல் தெரிந்ததால் இவ்வாறு குறிப்பிடுகிறார். இந்த வால் நட்சத்திரம் தெரிந்ததால் உலகிற்கு நல்லது இல்லை என்றும் பலன்களாக உள்ளன…. 

எனவே கோள்களைக் கண்டுபிடித்த காலத்திலிருந்து இராகு,கேதுக்கள் என்ற கோள்கள் உருவாக்கப்படவில்லை……..கி.பி. 10 ஆம் நூற்றாண்டிற்குப் பின்னர் கிரகணப் புள்ளிகளை கோள் களாக உருவாக்கி பலன்களும் கூறிவருகிறோம்…இதனாலேயே பல அறிஞர்கள் வானத்தில் இல்லாத ஒன்றை கோள்களாக்கி அதற்கும் பலன்கள் கூறி ஏமாற்றுகின்றனர் என்று நம்மை வசை பாடுபவர்களும் உண்டு.

காலசர்ப்பதோசம் / யோகம்;

ஒருவருடைய சாதகத்தில் குறிக்கபடும் கோள்கள் இராகு,கேது என்கிற கோள்களுக்குள் இருந்தால் இந்த தோசத்தைக்கூறுகின்றனர்....................40 ஆண்டுகளுக்கு முன்னர் எழுதப்பட்ட சோதிட நூல்களில் காலசர்ப்பம் என்கிற வார்த்தையே இல்லை….தற்பொழுது உள்ள நூல்களில் இவற்றைப் பற்றி எழுதி அதற்குப் பலன்களும்,பரிகாரங்களும் கூறி மக்களை அச்சுறுத்திக் கொண்டிருக்கின்றனர். அதில் விஸேஸமாக ஒன்றைக்குறிப்பிடுகின்றனர். என்னவென்றால் 33 வயதிற்குப்பின்னரே இந்த சாதகம் வேலை செய்யும் என்கிறனர்….இதைத்தான் ஏற்றுக்கொள்ள முடியவில்லை…..

யோகமும் / தோசமும் ;

எந்த ஒரு யோகமும், தோசமும் தனக்கென்று ஒரு காலவரையரை ஏற்படுத்திக்கொண்டு செயல்படுவதில்லை. அவை மானுடம் பிறந்த நாளில் இருந்தே செயல்படும் என்றுதான் நூல்களும் கூறுகின்றன. எல்லா யோகங்களும் பன்னிரெண்டு பாவகங்களுக்கும், தசா புத்திகளுக்குள்ளும் இருந்து தான் செயல்பட்டாக வேண்டும். எனவே நல்ல தசா புத்திகள் காலத்தில் யோகங்கள்,,, மரியாதையை ஏற்படுத்தி நன்கு வெளிப்படுத்தும். அதேபோல் தீய தசா புத்தி காலங்களில் யோகங்கள் நம்மை பெரிதும் பாதிப்பில்லாமல் காப்பாற்றும்……..

நல்ல தசா காலங்களில் தோசங்கள் பெரிதாக தெரியாமல் இருக்கும். தீய தசாகாலங்களில் பெரிதாக வெளிப்படும்…..இதை ஒரு பொழுதும் மாற்ற முடியாது……

நமது நாட்டில் ஒருவருக்கு நடைபெறும் நற்பலன்களை அவரது பொருளாதரத்தை வைத்து கணிக்கின்றனர்…..இது முற்றிலும் தவறானதாகும்.

ஒருவருடைய தாச புத்திகளில் 2 ஆம் பாவம் வேலை செய்யும் பொழுதே பொருளாதாரத்தில் முன்னேற்றம் ஏற்படும்…அப்பொருளாதாரம் யோக சாதகமாக இருந்தால் பன்மடங்காக பெருகியிருக்கும்….தோச சாதகமாக இருந்தால் சாதாரண நிலையில் இருக்கும்…

1 ஆம் பாவகத்தினால் தனது முயற்சியும்,பெயரும் விளங்கும்…

2 ஆம் பாவத்தினால் பொருளாதாரம் ஏற்படும்.

3 ஆம் பாவத்தினால் உழைப்பும்,

4 ஆம் பாவத்தினால் மகிழ்ச்சியும்,

5 ஆம் பாவத்தினால் அறிவும்,

6 ஆம் பாவத்தினால் கடன்களும்,

7 ஆம் பாவத்தினால் மற்றவர் தயவும்.

8 ஆம் பாவத்தினால் துன்பங்களும்,

9 ஆம் பாவத்தினால் ஒழுக்கமும்,

10 ஆம் பாவத்தினால் தொழிலும்

11 ஆம் பாவத்தினால் எண்ணம் நிறைவேறுதலும்

12 ஆம் பாவத்தினால் செலவுகளும் நடை பெற்று தான் ஆக வேண்டும்.

இது அனைத்து நல்ல யோகங்களுக்கும், தோசங்களுக்கும் பொதுவான தாகும்…..தோசங்களும்.யோகங்களும் தனக்கென்று தனியாக ஒரு நேரத்தை எடுத்துக் கொண்டு செயல்பட முடியாது..இதுவே சோதிடப்பலன்களைக்கூறும் முறையாகும்…..

ஆனால் கால சர்ப்பதோசத்தில் 33 வதிற்குப் பின்னரே பலன்கள் என்பதை எப்படி ஏற்றுக்கொள்ளமுடியும். உண்மையில் எவ்வித ஆய்வும் செய்யாமல் தனக்கு தெரிந்தது போல் கூறும் முரண்பட்ட பலனாகும்…..

மற்றொரு வேடிக்கை என்னவென்றால், இந்த இராகு ,கேதுக்கள் தங்களுக்குள் உள்ள கோள்களின் செயல்களை செய்யவிடாமல் கட்டுப்படுத்துமாம்….அது எப்படி முடியும். அனைத்துக்கோள்களும் பன்னிரு பாவகத்திலும், இராசிகளிலும், நட்சத்திரங்களிலும் உள்ளன. இந்த இராகு,கேதுக்களும் இதில் அடங்கி உள்ளன… சோதிடப்படி கோள்கள் அனைத்தும் பாவகத்தின்படியே பலன்களைக் கொடுக்கும் என்றுள்ளது..

இப்படியிருக்க காலசர்ப்பதோசத்தில் உள்ள கோள்கள் இராகு, கேதுக்களின் பிடியில் இருப்பதால் செயல்படாது என்பதெல்லாம் சோதிடத்தின் அடிப்படை விதியை உடைப்பதாகும்… .உண்மையில் இவ்வாறு எல்லாம் தோசங்களைக் கூறி நாம் தான் மக்களை அச்சுறுத்தி வருகிறோம்…..

இராகு, கேதுக்கள் எந்த பாவத்தில் உள்ளனவோ அதற்கேற்றபடி செயல்படும்..அதேபோல் தன்னுடன் இணைந்த கோள்களின் செயல்களைக் கட்டுப்படுத்தி தனது வேலையைப் போல் செய்யும் என்று கூறலாம்….அதை விடுத்து ஏழு இராசிகளுக்குள் உள்ள கோள்களுக்கு பலன்களைக் கட்டுபடுத்தும் என்பதெல்லாம் சரியாக வருமா என்று தோன்றவில்லை.

வானத்தில் இல்லாத இராகு,கேதுவைக்கொண்டு பலன் கூறுகிறார்கள் என்று நம்மை கேவலப்படுத்தும் அமைப்பினர்க்கு இந்த காலசர்ப்பமும் எடுத்துக்காட்டாக அமையும்…

எதிர்காலத்தின் அறிவியல் வளர்ச்சிக்கு இந்த சோதிடவியல் சாத்திரம் தாக்கு பிடிக்க வேண்டுமென்றால் இராகு, கேதுவிற்கு கூறியுள்ள பலன்களே போதுமானதாகும். 

அதை விடுத்து பரிகாரப் பணத் தேவைக்காக புதிது புதிதாக தோசங்களைக் கண்டுபிடித்து கொண்டிருந்தோமேயானால் வெகு விரைவில் எதிர்காலம் நம்மை ஒதுக்கிவிடும்…..   

ஆய்வு  செய்யாவிட்டாலும் பரவாயில்லை. இருக்கிற சோதிடவியலை நாம் கெடுக்காமல் இருந்தால் போதும்…..

மிக்க நன்றி.

Professor Dr.T.Vimalan. Ph.D.

21 / 03 / 2015.

Read More

அயனாம்சமும்---சோதிடக் குழப்பங்களும்-#Ayanamsa -11-03-2015.

அன்புடன் அனைவருக்கும் வணக்கம். மிகுந்த இடைவெளிக்குப் பின்னர் மீண்டும் எனது பிளாகில் சந்திக்கிறேன்….

           

              அயனாம்சமும்---------சோதிடக் குழப்பங்களும்

நிலையான இராசி மண்டலத்திற்கும்( sidereal zodiac) , கோள்களின் சுற்றுப்பாதைக்கும்(Tropical zodiac) இடையில் உள்ள வேறுபாட்டு பாகையின் அளவைக்குறிப்பதே இந்த அயனாம்சமாகும்…

நிலையான இராசிமண்டலம்… 

அன்பர்களே நீங்கள் வானத்தில் கோடிக்கணக்கான நட்சத்திரங்களைப் பார்த்திருப்பீர்கள். அந்த நட்சத்திரங்களில் வெறும் கண்களுக்குப் புலப்படும் ஒளி மிகுந்ததை கோடுபோல் இணைத்து ஏற்படுத்தப் பட்டதே இராசிமண்டலமாகும்..இவற்றை ஏற்படுத்தி 2500 ஆண்டுகளுக்கு மேலாகும் என்று ஒரு ஆய்வு சொல்கிறது.. ஆனால் கி.மு 350க்கு முன்னர் கிரேக்கர்கள் ஏற்படுத்திய விலங்கின அடையாளங்களின் இராசி மண்டலத்தின் பெயர்களையே இன்றுவரை நாம் பயன் படுத்தி வருகிறோம்.. 

ARIES,TARUS,GEMINI,CANCER,LEO,VIRGO,LIBRA,SCORPIO,SAGITARIES,CAPRICON,AQURIES, PISES.ஆகிய இப்பெயர்களும் அடையாளங்களையும் உருவாக்கியவர்கள் கிரேக்கர்கள்ஆவர்.இந்த நட்சத்திரக்கூட்ட இராசி மண்டலம் நிலையானதாகும். எப்பொழுதும் நாம் வானத்தில் பார்க்கின்ற அதேஇடத்திலேயே இருக்கும்… இந்த இராசி மண்டலத்தையே 360பாகைகள் கொண்டதாக  பிரித்துள்ளோம் ஒவ்வொரு 30 பாகைக்கும் ஒரு இராசியாக பிரித்துள்ளோம். இதில் மேச இராசியை முதல் இராசியாக கணக்கில் கொண்டுள்ளோம். இது துலாராசின் சித்திரை நட்சத்திரம் (spica) தொடர்புபடுத்தி உருவாக்கியதாகும்…

( நான் வானசாத்திரத்தை முழுமையாக பயன்படுத்தப்போவதில்லை. .விளங்குவதும், விளக்குவதும் கஸ்டமாகும். ஆதலால் பாமரரும் புரியும்படி எழுதுகிறேன்.)

இந்த இராசி மண்டலத்தின் தொடக்கப்புள்ளியான 00.00.00 அளவு மேசராசியில் உள்ளது. இராசிமண்டலம் கோடிக்கண்க்கான மைல்களுக்கு அப்பால் உள்ளன. இதற்கு கீழ்பகுதியில் தான் கோள்கள் சுற்றி வருகின்றன.. அன்பர்களே இராசி மண்டலத்திற்கும், ஒவ்வொரு கோள்களுக்கும் இடைப்பட்ட தூரம் கோடிக் கணக்கான மைல்களாகும்… எனவே இராசி மணடலத்திற்கும்,கோள்களுக்கும் நிறைய இடைவெளி இருப்பதை புரிந்து கொள்க.

கோள்கள் மண்டலம் (வெப்ப மண்டலம்)

இப்பொழுது கோள்களின் மண்டலத்திற்கு வருவோம்.. சூரியனை மையமாக வைத்து நீள் வட்டப் பாதையில் சுற்றிக்கொண்டிருக்கும் கோள்களின் பாதையையே (TROPICAL ZOTIAC) என்கிறோம். இந்த சுற்றுப்பாதை நிலையானதாக இல்லை.. ஒவ்வொரு ஆண்டும் கோள்களின் பாதை மண்டலம் ஒரு குறிப்பிட்ட அளவு சாய்ந்து கொண்டே இருக்கிறது… இந்த பாதை கடக இராசியில் தொடங்கி மகரராசியில் முடியும்..

தற்பொழுது கோள்களின் வட்டப் பாதையின் தொடக்கப்புள்ளி மீன ராசியில் உள்ள 336 ஆவது பாகையில் உள்ளது.. ஒவ்வொரு ஆண்டும் கோள்களின் வட்டப்பாதை 00பாகை,00கலை, 50.29 விகலை சாய்ந்து கொண்டிருக்கிறது.

 கோள்களின் சாயன நிலை

இப்பொழுது இருக்கும் குழப்பம் என்னவென்றால் கோள்களின் வட்டப்பாதை எவ்வளவு விகலை சாய்ந்து கொண்டிருக்கிறது என்பதில் தான் உள்ளது. இதில் பல்வேறு கருத்துக்கள் நிலவுகின்றன..எவரும் முடிந்த முடிவாக கூற முடியாமல் உள்ளது..ஒவ்வொருவர் கண்டுபிடிப்பிலும் உண்மை இருப்பது போல் உள்ளது. நான் மேலே குறிப்பிட்டுள்ள அயானம்சம் என்.ஸி.லஹரி அவர்களுடையதாகும்..இவரைப்போல் நூற்றுக்கணக்கான அயனாம்ச விதிகள் நம்மைப் போட்டு குழப்புகின்றன…

நாம் திருக்கணிதத்திற்கு லகிரியின் அயனாம்சத்தையே எடுத்துக்கொள்வோம்.. இப்பொழுது கோள்கள் மேசராசியின் தொடக்கப்புள்ளியில் இருந்து 24 பாகை சாய்ந்து 336 ஆவது பாகையில் இருந்து தங்களது சுற்றுப்பாதையை தொடங்குகிறது…. இந்த சாய்ந்த நிலையில் இருந்து தொடங்கி நிலையான இராசி மண்டலத்தை கடந்து கொண்டிருக்கிற கோள்களின் நிலைகளை சாயன கோள்களின் நிலைகள் என்கிறோம்…  இந்த நிலையே வானத்தில் ஒரு கோள் சென்று கொண்டிருக்கும் உண்மையான நிலையாகும்.

சாயன நிலைகளில் உள்ள கோள்களின் அடிப்படையிலேயே மேற்கத்திய சோதிடப்பலன்கள்( WESTERN ASTROLOGY) கணிக்கப்படுகின்றன.

ஒவ்வொரு ஆண்டும் கோள்களின் வட்டப்பாதை தோராயமாக 00.00.53 விகலை அளவு சாய்ந்த கொண்டே  இருக்கிறது..இது நமது நிலையான இராசிமண்டலப் புள்ளியான மேசராசியில் இருந்து விலகிக் கொண்டே இருப்பதால் இதை சாயன நிலை என்கிறோம் இந்த ஆண்டு 24.00.00 பாகை சாய்ந்துள்ளது….

கோள்களின் நிராயன நிலை   

கோள்களின் சாயனநிலையில் உள்ள அளவுகளில் தான் நாம் வானத்தில் உள்ள இராசிகளில் கோள்களை அடையாளம் காணமுடியும்..ஆனால் நமது இந்திய பஞ்சாங்கங்களும், சோதிடமும் நிராயன நிலையில் கோள்களை கணக்கிடூ செய்து பலன்களைக் காண்கின்றது.

நிலையான இராசி மண்டலத்தின் தொடக்கப்புள்ளியை விட்டு சாய்ந்த நிலையில் தொடங்கும் கோள்களின் தொடக்கப்புள்ளியின் அளவைக் கழித்து(அயனாம்சம் அளவு) விட்டு பழையபடி இரண்டு தொடக்கப்புள்ளிகளையும் ஒன்றாக இணைத்து விடுகிறது. பின்னர் அதிலிருந்து கோள்கள் எந்த இராசியில் இருக்கிறது என்றுகணக்கிட்டு பலன்கள் கூறுவது நிராயன கணித முறையாகும்…

எடுத்துக்காட்டாக……..இன்று 11-03-2015 அன்று மாலை 5.00 மணிக்கு சந்திரனின்  நிராயன நிலை 210.03.58.ஆகும்.  ஆனால் சந்திரனின் சாயன நிலைக்கு 23.59.00 அளவை கூட்டினால் 234.02.58 வரும் இதுவே வானத்தில் சந்திரன் சென்று கொண்டிருக்கிற உண்மையான நிலையாகும்… இன்று அனுசம் நட்சத்திரம் 1 ஆம் பாதம் என்று கூறினாலும் உண்மையில் சந்திரன் கேட்டை மூன்றாம் பாதத்தில் சென்று கொண்டிருக்கிறது..

நிராயன கணிதத்திற்காக கோள்களின் சாய்ந்த அளவான அயனாம்சத்தைக் கழித்துக் காணும் கோள்கள் நிலையே நிராயன கோள்கள்நிலையாகும்..

இது மேசராசியின் 00.00.00 அளவில் மீண்டும் கோள்கள் நிலைகளைக் கொண்டு வருவதாகும்.. இப்பொழுது ஓரளவு புரிந்திருக்கும் என்று கருதுகிறேன்…

சாயனம் என்பது கோள்களின் வட்டப்பாதையின் தொடக்கம் மேசராசியின் தொடக்கத்திலிருந்து விலகிய நிலையாகும்…நிராயனம் என்பது சாய்ந்த நிலையை பழையபடி மேசராசிப்புள்ளிக்கு கொண்டு வந்ததாகும்….

சாயனம்- நிராயனம் ஆகிய எந்த ஒன்றில் கோள்கள் சென்று கொண்டிருக்கின்றன என்பது தங்களுக்கு நன்கு புலப்படும்……..

(பூமியில் இருந்து பார்ப்பதால் கோள்கள் மேசராசிப்புள்ளியில் இருந்து சாய்ந்துள்ளது போல் இருக்கும்.ஏதாவது ஒரு கோளில் இருந்து பார்த்தால் பூமி சாய்ந்தது போல் இருக்கும்....வான சாத்திரம் அதிகம் பயன்படுத்தாமல் இவ்வளவு தான் எளிமையாக என்னால் விளக்க முடியும்..)

இந்திய சோதிடமுறை நிராயன மண்டலத்தில் கோள்களை நிறுத்தி பலன்கள் கூறுவதாகும்..

மேற்கத்தியமுறையில் சாயன மண்டலத்தில் கோள்களை நிறுத்தி பலன்கள் காணப்படுவதாகும்……

மிக்கநன்றி……

Professor.Dr.T.Vimalan.Ph.D.

11-03-2015.

Read More

பழமொழிகளும் ----- சோதிடமும் 13-02-2015

பழமொழிகளும் -----   சோதிடமும்

அன்பானவர்களே !!!!!! திரும்பவும் தங்களை எனது பிளாக்கில் வரவேற்கிறேன்….

சோதிடத்தில் பழமொழிகளைக் கூறி பல மனிதர்களின் நம்பிக்கைகளை தகர்ப்பதை இன்றும் காணமுடிகிறது…. பழமொழிக்கும் சோதிடத்திற்கும் எவ்வித தொடர்பும் கிடையாது. அப்படியிருக்க எப்படி சோதிடத்தில் பழமொழிகள் வந்திருக்கும் என்ற வினா எழுகிறது அல்லவா!!!!. இதை ஆய்வுக்கு உட்படுத்தினால் பல உண்மைகள் ஆய்வரங்கத்திற்குள் வந்து விடும்.. ..அதையும் வரவேற்போம்….

” ஜென்ம குரு வன வாசம்”  என்று ஒரு பழமொழி……… உள்ளது….

அதாவது பிறக்கும் பொழுதோ அல்லது கோச்சாரத்தில் ஒருவருடைய இராசிக்கு குரு மாறிவந்தால்,,அந்த இராசிக்காரக்கு நிலையற்ற தன்மை ஏற்பட்டு துன்பப்படுவார் என்ற கருத்தில் கூறப் படுவதாகும்… இக்கருத்து உண்மையில் சரிதானா??? 

 இராமாயணத்தில் இராமருக்கு சாதகக் கட்டம் போட்டு கோள்களின் நிலைகளைக் குறித்து உள்ளார்கள். அதில் இராமரின் இராசி கடகம் என்றும் அதில் கூடவே குருக் கோள் உச்ச நிலையில் இணைந்திருப்பதாகக் கணிக்கப்பட்டிருக்கும். பிறக்கும் பொழுது அச்சாதகத்தில் குரு இணைந்திருப்பதைக் கொண்டு அவர் வனவாசத்தில் துன்பப்பட்டதை வைத்து பழமொழி கூறியிருக்கலாம்……அல்லது இராமாயணக் கதையின் படி இராமர் பிறந்து பன்னிரெண்டு வயதில் அரக்கியை அழிக்க வனத்திற்கு செல்கிறார்..அப்பொழுது ஒரு வனவாசம் நடைபெறுகிறது..அரக்கியை அழித்தவுடன் இராமருக்கு திருமணமும் நடைபெற்று மனைவியுடன் அரண்மனை திரும்புகிறார்.. அச்சமயத்தில் கோச்சாரக்க்குரு கடகத்தில் இருக்கும். அதற்காகக் கூறலாம்….

பின்னர் பன்னிரெண்டு ஆண்டுகள் இடைவெளிக்குப் பின்னர் கதைப்படி இராமரின் வயது 24 ல் மனைவியுடன் வனவாசம் செல்கிறார்.. இப்பொழுதும் கோச்சாரக் குரு கடக இராசியில் இருந்திருப்பார். அதைக்கொண்டும் பழமொழி கூறியிருக்கலாம். ஆனால் நான் இராமரின் வயதை வைத்துக் கூறியது எத்தனை நபர்களுக்குத் தெரிந்திருக்கும் என்று தெரிய வில்லை…இருப்பினும் இந்த பழமொழியை தோற்றுவித்த சோதிடர்க்கு தெரிந்திருக்குமா என்றும் கருத முடியவில்லை….

எப்படியிருப்பினும் இந்த பழமொழி தவறானதாகும்…….. இராமருடன் மற்ற மூவரும் இதே இராசியில் பிறந்துள்ளனர்…. வால்மீகி இராமயணப்படி பரதன் பூசம் நட்சத்திரத்திலும்,,,இலக்குவனும்,சத்ருக்கனும், ஆயில்ய நட்சத்திரத்திலும் பிறந்துள்ளனர். எனும் பொழுது இராமரும், இலக்குவனும் வனத்திற்கு செல்ல ,,,,,,பரதனும் ,சத்ருக்கனும் நகரத்திலேயே வாழ்ந்துள்ளனர். எனும் பொழுது ஜென்ம குரு வனவாசம் என்பது இங்கு அனைவருக்கும் நடைபெறவில்லை என்பது தெளிவாகிறது… எனவே ஒரு இராசியை வைத்துக்கூறும் பழமொழிகள் அனைவருக்கும் தீமையோ அல்லது நற்பலன்களோ ஏற்பட வாய்பில்லை..அவை பொதுவான பழமொழிகளே தவிர வேறொன்றுமில்லை….

” சித்திரை அப்பன் தெருவிலே “ இப்படியும் ஒரு பழமொழி உள்ளது…..

இதுவும் இராமாயணக் கதையைக் கொண்டு ஏற்படுத்தப் பட்டதாகும்…. அதாவது இராமர் பிறந்தது சித்திரை மாதமாகும்.  இராமர் வனத்திற்கு சென்ற பின்பு மயக்கம் தெளிந்து எழுந்த அவருடைய தந்தை தசரதன் இராமா ,இராமா,என்று கதறிக் கொண்டே அரண்மனைத்தெருவில் வந்து உயிர் விட்டதாக கதை சொல்கிறது. இதன் அடிப்படையில் ஏற்படுத்தப் பட்ட பழமொழியாகும்.. இதுவும் தவறானதாகும்.. சித்திரை என்கிற மாதத்தில் உலகத்தில் உள்ள பன்னிரெண்டில் ஒரு பங்கினர் பிறந்துள்ளனர். அவர்களுடைய தந்தையெல்லாம் இந்த துன்பமா அனுபவிக்கின்றனர்….

அக்காலங்களில்சித்திரையின்கொடியவெயிலில்குழந்தைபிறந்தால்,தாயிற்கும், குழந்தைக்கும் ஆகாது என்று பிறப்பையே தள்ளி வைத்தனர்.. இந்த கருத்தின் அடிப்படையில் கூறினாலும் …தந்தைக்கு எப்படி தீங்கைக்கூறுவது,,,,, எனவே இந்த பழமொழியும் தவறானதாகும்……

 “பூராடம் நூலாடாது “  பாவம் இந்த நட்சத்திரத்தில் பிறந்த பெண்களுக்கு தாலிக்கயிறு நிலைக்காது என்ற அர்த்தத்தில் சொல்லப்பட்ட பழமொழியாகும்… 

இப்பேர்பட்ட வக்ர புத்தியுள்ள சோதிடப் பழமொழிகளால் சோதிடத்திற்கு தான் கேடு… பொதுவாக ஒரு நட்சத்திரத்தில் எத்தனையோ கோடிக்கணக்கில் பெண்கள் பிறந்துள்ளனர்… அவர்களை பழமொழியால் பழிப்பது எத்தனை பெரிய பொய்யாகும்… என்னமோ பூராடத்திற்கு மட்டும் கணவர் இறப்பாராம்.. மற்ற நட்சத்திரப் பெண்களெல்லாம் ,,அப்படியே கணவருடன் வாழ்வது மாதிரியாக அல்லவா உள்ளது….

உண்மையில் இவ்வாறு பொய்யான பழமொழிகளுடன் கூடிய சோதிடங்களையும், சோதிடர்களையும் தவிர்க்க வேண்டும்…..

”அவிட்டம் நட்சத்திரம் தவிட்டுப் பானையெல்லாம் தங்கம்”

வறுமைக் கோட்டில் வாழும் அவிட்ட நட்சத்திரங்களை என்ன செய்வது . பொதுவாக பல இலட்சம் மக்கள் ஒரு நட்சத்திரத்தில் பிறக்கின்றனர்…எனும் பொழுது அவர்கள் அனைவரும் ஒன்று போல் வாழ்வது இல்லை. எனவே இந்தக் கூற்றையும் எப்படி ஏற்றுக்கொள்வது…..

”பரணி தரணி ஆளும்”

எத்தனையோ பரணிகள் பிச்சை எடுத்துக்கொண்டிருக்கின்றன… அதாவது வறுமைக்கோட்டிற்கும் கீழே வாழ்கின்றனர்……..

” வெள்ளிக்கிழமை ஆண் குழந்தை வீட்டிற்கு ஆகாது..

வாரத்திற்கு மொத்தமே ஏழு நாட்கள் தான்… வெள்ளிக்கிழமையில் மட்டும் ஏறத்தாழ 50 கோடி ஆண்கள்  பிறந்து உலகம் முழுவதும் வாழ்ந்து கொண்டிருக்கின்றனர்…. இவர்களை எல்லாம் என்ன செய்வது……..

”உத்திரத்தில் ஒரு பிள்ளை ஊர் கோடியில் ஒரு காணி நிலம்”

உத்திர நட்சத்திரத்திற்கு ஒரு சிறப்பு பலன் கூறியுள்ளார்கள்… இதுவும் இராமாயணக் கதையை அடிப்படையாகக் கொண்டதாகும்.. இராமர்- போருக்கு செல்வதற்கு தனது பிறந்த நட்சத்திரமான புனர்வசுவில் இருந்து ஆறாவது நட்சத்திரமான உத்திரத்தை தேர்ந்தெடுத்து வெற்றியும் பெறுகிறார். எனவே இதன் அடிப்படையில் கூறப்பட்ட பழமொழியாகும்… ஆனால் இங்கு பிறந்தவர்களுக்கு நல்லது என்று உள்ளது…

இவை போல் சோதிடத்தில் புராணக்கதைகளின் அடிப்படையில் பொதுவான பலன்களுடன் கூடிய  பழமொழி சோதிடப்பலன்கள் அங்கங்கு கூறப்படுகின்றன.. இவற்றிற்கும் மானுட வாழ்விற்கும் எவ்வித தொடர்பும் இல்லை.. ஆனால் பிறந்த சாதகத்திற்கும் மானுட வாழ்விற்கும் அதிக தொடர்புகள் உள்ளன. எனவே பொது மக்கள் சோதிடப் பழமொழிகளை நம்பாமல் , அனைத்துப் பலன்களையும் சாதக ரீதியாக கேட்டுக் கொள்ள வேண்டும்.. பழமொழிகளைக் கூறி பயமுறுத்தும் சோதிடரை முற்றிலும் தவிர்க்க வேண்டும்…

குறிப்பு : உண்மையைக் கூறுவதற்கு யாரும் முன் வராததால் நாங்கள் கூறிக் கொண்டிருக்கிறோம்… தமிழக சோதிட உலகில் நாங்களாவது இப்படி இருந்து விட்டுப் போகிறோமே …… அதில் உங்களுக்கு என்ன வருத்தம்…

முடிந்தால் எங்களுடன் சேர்ந்து நீங்களும் எழுதுங்கள்.. வரவேற்கிறோம்…..

மிக்க நன்றி…..

Professor . Vimalan.       13-02-2015.

Read More

சோதிட சகாப்தம் – பேராசிரியர்.தி. விமலன். .... 08-02-2015...

Bathri Narayanan

சோதிட சகாப்தம் – பேராசிரியர்.தி. விமலன்.

கோ.ஜெ.பத்ரி நாராயணன்.

”இயற்கை சீற்றங்களின் அச்சத்தினால் பண்டைய கால மானுடம் கண்டுபிடித்ததே இறைவனும், அதற்குரிய கோட்பாடுகளும் ஆகும். இந்த இறைக் கோட்பாடுகள் உருவாக்கப் பட்டதாலேயே மானுட வாழ்வு நாகரீகமானதாக உருவெடுத்துள்ளது. அந் நாகரீகத்தின் அடிப்படையில் வாழ்ந்து கொண்டிருக்கும் மானுடம் பல்வேறு நம்பிக்கைகளை ஏற்படுத்தி வாழ்ந்து கொண்டிருக்கிறது.. அவ்வாறு ஏற்படுத்திக் கொண்ட நம்பிக்கைகளில் ஒன்றுதான் சோதிடம் பார்ப்பதாகும். சோதிடத்தின் மூலமாக தங்களது எதிர்காலத்தை அறிந்து அதன்படி வாழ்க்கையை நடத்திக் கொண்டு பல மானுடர்கள் வாழ்ந்து கொண்டிருக்கின்றனர். சோதிடப் பலன்கள் விண்ணில் உள்ள கோள்களையும்,விண்மீன்களையும் அடிப்படையாகக் கொண்டதாகும். எனவே இக்கலைக்கு அடிப்படையாக வானசாத்திரம் உள்ளது. இந்த வானசாத்திரம் அறிவியலை அடிப்படையாகக் கொண்டதால், சோதிடம் அறிவியலாகிறது. எப்பொழுது சோதிடம் அறிவியலைச் சார்ந்துள்ளதோ அப்பொழுதே இங்கு ஆன்மீகத்திற்கு இடமில்லாமல் போய்விடுகிறது. ஆதலால் ஆன்மீகம் வேறு, சோதிடம் வேறு என்ற கோட்பாடுடையவனாகவே நான் வாழ்ந்து கொண்டிருக்கிறேன். இவ்வாறு எனது முடிவை நனவாக்கிய பெருமையுடையவர் ஒருவர் உண்டென்றால் அவரே தமிழகத்தின் முதல் சோதிடவியல் துறைப் பேராசிரியர் முனைவர் தி. விமலன் அவர்கள் ஆவார்கள். “

முனைவர் தி.விமலன் அவர்கள் கி.பி. 1962 ஆம் ஆண்டு சனவரி திங்கள் 10 ஆம் நாள் காலை 05 மணி 55 நிமிடங்களுக்கு மதுரையில் பிறந்துள்ளார். இளமைக்காலங்களில் பள்ளிப்படிப்பை முடித்தவர் ,அதன் பின்னர் மதுரை காமராசர் பல்கலையில் சோதிடவியல் பட்டயப்படிப்பும், வடமொழி சான்றிதழ் படிப்பும், முதுகலை பட்டப்படிப்பும் படித்தார். பின்னர் தமிழ்நாடு இறையியல் கல்லூரியில் ஆய்வியல் நிறைஞர் பட்டமும் பெற்றார். மதுரை காமராசர் பல்கலைக்கழகத்தில் 2000ஆம் ஆண்டில் முனைவர் பட்ட ஆராய்ச்சிக்கு தேர்ந்தெடுக்கப்பட்டார்.. வால்மீகி இராமாயணத்தில் சோதிடவியலின் கோட்பாடுகள் என்ற தலைப்பில் ஆய்வு செய்து 2006ல் முனைவர் பட்டம்பெற்றுள்ளார்.

சிறு வயதிலிருந்தே சோதிடத்தைப் பற்றிய நூல்களை வாசிப்பதிலும், அவற்றின் பலன் கூறும் அமைப்புகளையும் நன்கு அறிந்து தன்னை முழு நேர சோதிடராக மாற்றியுள்ளார். மதுரை மாநகரத்தில் சோதிட அலுவலகம் அமைத்து பலன்கள் கூறிக் கொண்டிருந்த வேலையில் திருமணம் ஆனது. பின்னர் 1993ல் மதுரை காமராசர் பல்கலையில் தொலை தூர அஞ்சல் வழியில் தொடங்கப்பட்ட சோதிடவியல் பட்டயக்கல்வியில் தேர்ச்சி பெற்றார். அதன் பின்னர் அதே பல்கலையில் சோதிடவியல் பட்டயக்கல்வி பாடத்திட்டதிற்கு ஏழாண்டுகள் வகுப்பும் எடுத்துள்ளார்.. மதுரை பல்கலையில் சோதிடவியல் துறை என்று ஒன்று இல்லாதது பெரும் குறையாக கூறிக்கொண்டிருப்பார்.. ஏனெனில் சோதிடவியல் பட்டயக் கல்வியுடன் நின்று போய்விட்டது.. ஒரு ஆசிரியர் கூட நியமிக்கப்படவில்லை…

சாஸ்த்ரா நிகர்நிலைப் பல்கலைக்கழகம்

கி.பி 2002 ஆம் ஆண்டில் இந்திய சோதிடவியல் வரலாற்றில் மாற்றம் ஏற்பட்ட ஆண்டு எனலாம். இந்திய பல்கலைக் கழக மாணியக்குழு முதன் முதலில் 2001ல் வெளியிட்ட ஆணையில், இந்தியாவில் உள்ள பல்கலைக்கழகங்கள், சோதிடவியல் துறையை ஏற்படுத்தி சான்றிதழ் படிப்பு முதல் முனைவர் பட்ட படிப்பு வரை தொடங்கலாம் என்றது. { இதற்கு முன்னர் நடை பெற்ற எந்த சோதிட படிப்புகளும் தோதிடவியல் துறையினரால் நடத்தப்படவில்லை.} அதன்படி 2002ல் தஞ்சை சாஸ்த்ரா நிகர்நிலைப் பல்கலைக்கழகத்தில், தமிழகத்தின் முதல் சோதிடவியல் துறை தொடங்கப்பட்டது. அதேபோல் அதில் முனைவர் தி. விமலன் அவர்கள் சோதிடவியல் துறையின் தலைவராகவும், விரிவுரையாளராகவும் பணியில் அமர்த்தப்பட்டார். இதுவே தமிழக சோதிடவியல் வரலாற்றில் திருப்பமாக அமைந்தது.

2002ல் முனைவர்,தி.விமலன் அவர்கள் சோதிடவியல் கல்வியில் பட்டயப்படிப்பும், இளங்கலை பட்டப்படிப்பும் கொண்டு வந்தார்.. இதுவே அங்கீகரிக்கப்பட்ட உலகப் பல்கலைக்கழக வரலாற்றில் முதன் முதலில் தொடங்கப்பட்ட இளங்கலைப் பட்டப்படிப்பாகும். இந்த இளங்கலைப்பட்ட படிப்பை விமலன் அவர்கள் தொடங்கியதனால் இந்திய சோதிடவியல் வரலாற்றில் புதிய சகாப்தத்தை ஏற்படுத்திய பெருமைக்கு உள்ளானார்.

இளங்கலை பட்டப்படிப்பு

இவர் கொண்டு வந்த இளங்கலை மூன்றாண்டு பட்டப்படிப்பில் ஆண்டிற்கு நான்கு பாடங்கள் என்று பன்னிரெண்டு பாடங்கள் நடத்தப்பட்டன. இதில் ஆங்கில மொழிப்பாடம் நீங்கலாக பதினொரு பாடங்களுக்கு பாட நூல்களை எழுதியது விமலன் அவர்களே ஆகும்.

1. அடிப்படைசோதிடவியல் ;இராசிகள், கோள்கள், நட்சத்திரங்கள் ஆகியவற்றின் தன்மைகள், பஞ்சாங்கம், முகூர்த்தம், தியாஜ்ஜியம் போன்றவற்றின் விளக்கங்கள், யுரேனஸ், நெப்ட்யூன், சோதிடரின் நெறிமுறைகள் கொண்டதாகும்.

2. சாதக கணித முறைகள் ; விண்மண்டல விளக்கம், அட்ச,தீர்க்க ரேகைகள், மணிகள், அயனாம்சம், தசவர்க்கம்,சட்பலம்,அஸ்டவர்க்கம்,வாக்யமுறைப்படி சாதகம் கணித்தல், திருக்கணிதம், எபிமெரிஸ்படி சாதகம் கணித்தல் ஆகும்.

3. பிருகத்சாதகம்;இராசி,கிரகம்,இராசயோகம்,நாபசயோகம்,சந்திரயோகம்,பிரவிரச்யா யோகம்,கர்மசீலம்,துவாகிரகம்,ரிகசசீலம்,திருஸ்டிபலம்,அரிஸ்டம்,ஸ்திரிஜாதகம், திரேகாணம், நைர்யாணி அத்யாயம், போன்றவை பாடங்களாகும்.
4. சாராவளி : கோள்கள்,இராசிகள். கூட்டுக்கோள்களின் பலன்கள்,ஒவ்வொரு கோள்களும் இராசியில் நிற்கும் பலன்கள்,பார்வைப் பலன்கள், அரசயோகங்கள், தீங்கு நிலைகள், பன்னிருபாவகத்தில் கோள்களிருப்பதினால் ஏற்படும் பலன்கள்.

5. பராசர ஹோரா சாஸ்த்ரா ; பாவங்களில் கோள்கள் ஏற்படுத்தும் தன்மைகள், பாவக்கோள்களினால் ஏற்படும் அரசயோகத்தன்மைகள்,செல்வயோகங்கள், பாவாதி பதிகள் மாறியிருப்பதால் ஏற்படும் பலன்கள்,புத்திர தோசங்கள், மாரகம், ஏழ்மை, பஞ்சமகாபுருசயோகம்,கோள்களுக்குரிய நோய்கள், தசாப் பலன்கள், காரகாம்சம்.

6. உத்ரகாலாமிர்தம்; பாவகம்,கோள்களின் காரகங்கள்.ஆயுள்கணித விளக்கங்கள், பிரசன்னசோதிடம்,சட்பலம்,பாவகக் கோள்களின் பலன்கள்,பார்வைபலன்,செல்வந்தர் யோகங்கள்,தீயபாவகங்கள், யோகர்,மாரகர்,தீயவர், இராகு,கேதுக்களின் பலன்கள்.

7. சமயமும்-தத்துவமும்; இனக்குழு சமயம்,நிறுவனச்சமயங்கள்,இந்து,கிறித்துவம், இசுலாம்,சமணம்,பௌத்தம்,சீக்கியம், ஆகிய சமயங்களின் கோட்பாடுகள், பகுத்தறிவு தத்துவம், சிக்மண்ட் ப்ராய்டு,சமயச்சிந்தனையாளர்களின் கருத்துக்கள்.

8.முக்கியமான யோகங்கள்; செல்வயோகங்கள், ஒவ்வொரு பாவகத்தின் தொடர்பு யோகங்கள், தீயயோகங்களின் விளக்கங்கள், பெயருடன் கூடிய யோகங்களின் விளக்கங்கள், பாவாதிபதி இணைவுகளினால் ஏற்படும் யோகங்களின் விளக்கங்கள்.

9.சாதகப் பலன்களை வரையறுத்தல்; இலக்னப்பலன்கள்,பன்னிருபாவகத்திலும் கோள்கள் இருக்கும்பலன்கள்,சேர்க்கைப்பலன்கள், விம்சோத்தரிதசாப்பலன்கள், திருமணப்பொருத்தவிளக்கம், பத்துபொருத்த அமைப்புகள், பலன்கள்.

10.நவீன கால சோதிட வளர்ச்சி; கிருட்டிணமூர்த்தி முறையின் கோட்பாடுகள், இராசிகள்,கோள்கள் தன்மைகள்,இராசிகளுக்குரிய உபநட்சத்திரப் பிரிவுகளின் பலன்கள், பன்னிருபாவ உபநட்சத்திர அதிபதிகள் மற்ற பாவக அதிகாரப் பலன்கள்.

11.சாதக பகுப்பாய்வு; பன்னிரு இலக்ன சாதகங்களின் பலன்கள் கூறும் அமைப்பு. ஒவ்வொரு சாதகத்திற்கும்.,இலக்னம்,கோள்கள் நின்றபாவகம்,கோள்கள் மாறி நின்ற பாவகம், சேர்க்கை,தசா,புத்தி, செல்வயோகம்,அவயோகம் பொன்ற பலன்கள்.

இப்பாடங்கள் அனைத்தும் தொலைதூரக் கல்வி முறையில் நடந்ததாகும். முதல் மூன்றாண்டுகள் அனைத்துப் பாடங்களையும் பேராசிரியர் விமலன் ஒருவர் மட்டுமே நடத்தினார். 2009ல் சாஸ்த்ராவிலிருந்து விலகி கோவை கற்பகம் பல்கலையில் சேர்ந்தார்.

கற்பகம் நிகர் நிலைப் பல்கலைக்கழகம்;

2009 ல் கோவை கற்பகம் பல்கலையில் சோதிடவியல் துறைப் பேராசிரியர் மற்றும் இயக்குனாராகப் பணியில் அமர்த்தப்பட்டார். இங்கு தான் உலகின் முதன் முதல் சோதிடவியலில் அறிவியல் பட்டப்படிப்பை தொடங்கினார். இளநிலை,முதுநிலை மற்றும் பயன்பாட்டு முதுநிலை என்ற அறிவியல் பாடப்பிரிவுகளை ஏற்படுத்தினார். அவை அனைத்திற்கும் பாடநூல்களை எழுதி ஆயிரக்கணக்கான மாணவர்கள் பட்டம் பெற வழி ஏற்படுத்தினார்..

முதுநிலை அறிவியல் சோதிடப் பட்டபடிப்பு

1.சோதிடவியல் வரலாறு ; சோதிடவியலின் தோற்றம்,பாபிலோனியம்,கிரேக்கம், இந்திய சோதிடம், வானியல் வளர்ச்சி, பஞ்சாங்கம்,மேற்கத்தியம், வேதகாலம், பண்டைய சோதிடர்கள்,தமிழர்களின் சோதிடம், தற்கால சோதிடம்.

2.பிரசன்னசோதிடம்; பிரசன்ன சோதிட விதிகள், பதில் கூறும் முறைகள், சகுனம், பிரசன்ன முறயில் இராசிகள், கோள்களின் குணங்கள், கிருட்டிணமூர்த்தி முறையில் பிரசன்ன சோதிட முறைகள்,

3.நவீனகால சோதிடம்;
இராசிகள், கோள்களுக்குரிய குணங்கள், உப நட்சத்திரப்பலன்கள், பன்னிரு பாவகத் தொடர்பினால் ஏற்படும் வினாக்களுக்கு பலன் கூறும் முறைகள்.. கிருட்டிணமூர்த்தி முறையில் சாதக ஆய்வுகள்.

4.மேற்கத்திய சோதிடம்;
அடிப்படை விதிகள், சாயனமுறை, கோள்கள், இராசிகளுக்குரிய குணங்கள், ஆண், பெண், குழந்தை, முதலாளி,தொழிலாளியின் குணங்கள், கோணம், சதுரம் பார்வைப் பலன்கள், யுரேனஸ்,நெப்ட்யூன், புளூட்டோ.

5.தொழில் முனைவோர் சாதகங்கள்;
கோள்களுக்குரிய தொழில்கள், தொழிலிற்கான விதிகள், பலவேறுபட்ட வியாபாரிகள், பல்வேறு பணிகள் செய்யும் தொழிலாளர்களின் சாதகங்கள் ஆய்வுப் பலன்கள்.

6.மருத்துவ சோதிடம் ;
மருத்துவ சோதிடத்தின் அடிப்படைக் கொள்கைகள், உடற்கூறுகள், நோய்கள், தசா,புத்திகாலங்களில் ஏற்படும் நோய்களும், காற்று, நீர், நரம்பு, சம்பந்தப்பட்ட நோய்களின் கோள்கள் நிலைகள், பழைமையான சோதிட நூல்களின் கூற்றுகள்…

7.இகலோகச் சோதிடம் ;
நெருப்பு,நிலம்,காற்று,நீர் இராசிகள், கோள்கள்,நட்சத்திரங்கள், இவற்றின் பலன்கள், ஊர்கள்,நாடுகள், நாட்டிற்காக செயல்படும் விளக்கங்கள், மக்களின் பிரிவுகள், மழைக்குறி அறிதல், ஆண்டுப்பலன்கள், இயற்கைப் பேரழிவுகள்..

8.தொழில் சார்ந்த சாதகங்கள் ;
ஆசிரியர்கல் சாதகங்கள், குரு,புதனின் தொடர்பகள், மருத்துவர்கள் சாதகங்கள், கணக்காளர்கள் சாதகங்கள், வழக்கறிஞர்கள் சாதகங்கள், பொறியாளர்கள் சாதகஙள். ஆகியவற்றில் கோள்களின் தொடர்புகள்…

9. அரசுப் பணியாளர்கள், தொழிலாளர்கள் சாதகங்கள்:
அரசுத்துறையில் உள்ள பல்வேறு பிரிவுகளில் பணிபுரியும் சாதகங்களில் கோள்களின் நிலைகளும், அதற்குரிய விதிகளும், பல்வேறு தொழில் செய்யும் சாதகங்களில் கோள்களின் செயல்பாடுகள்.

10,திட்டக் கட்டுரை (ஆய்வேடு)
ஒவ்வொரு தொழிற்பிரிவிலும் உள்ள 50 சாதகங்கள் எடுக்கப்பட்டு பத்து விதிகளைக்கொண்டு ஆய்வு செய்து முடிவு அறிவிக்க வேண்டும்.

இவ்வாறு சோதிடவியல் துறையில் ஆய்வு சிந்தனையுடன் கூடிய பாடப் பிரிவு களை எழுதி, அவற்றை ஒருவரே முழுமையாக நின்று நடத்தினார். இவருடைய பாடப் பிரிவுகளில் ஆயிரக்கணக்கானோர் பட்டயம், பட்டம் பெற்றுள்ளனர்.

ஆய்வியல் நிறைஞர்- முனைவர் பட்டம் ;

இருபது நபர்களுக்கு சோதிடவியல் ஆய்வியல் நிறைஞர் பட்டத்திற்கு ஆய்வு நெறியாளராக இருந்து பட்டம் பெற உதவியுள்ளார். எட்டு ஆராய்ச்சியாளர்களுக்கு முனைவர் பட்ட ஆய்வாளராக இருக்கிறார்.
இவ்வாறு தமிழகத்தில் சோதிடவியல் துறை ஏற்படுத்தி, பட்டயம் முதல் பட்டம், முதுநிலை, ஆய்வியல் நிறைஞர், முனைவர் மற்றும் அறிவியல் சோதிடப் பாடத்தையும் ஏற்படுத்திய பெருமை முனவர் தி. விமலன் அவர்களையே சாரும்.

சமூகப் பார்வை

சோதிடவியல் துறை மட்டும் இல்லாமல், தமிழக சோதிடத்தை ஒன்றிணைக்கும் எண்ணத்தில் பட்டதாரிகள் சோதிட சங்கத்தை தொடங்கினார். 2005 ஆம் ஆண்டு திருச்சியில் மாவட்ட சங்கம் முதலில் தொடங்கப்பட்டது. பின்னர் சேலம், மதுரை, திருநெல்வேலி,தஞ்சாவூர்,சென்னை,கோவை ஆகிய ஊர்களிலும் மாவட்ட சங்கங்கள் தொடங்கினார். 2007ஆம் ஆண்டு தமிழ்நாடு மாநில சோதிடவியல் பட்டதாரிகள் & முதுகலைப் பட்டதாரிகள் சங்கம் தொடங்கி நடத்தி வருகிறார். இதன் மூலம் பல்வேறு தகவல்கள் மக்களுக்கு தெரியப்படுத்தப் பட்டுள்ளது.
தொடக்கத்திலிருந்து சோதிடத்தில் ஆன்மீகக் கருத்துக்களையும்,பரிகாரக் கருத்துக் களையும் மறுத்து வந்துள்ளார். சாதகத்தின் உண்மை தன்மையான தலைவிதியை வாசிக்கும் கலை என்பதில் இன்றுவரை உறுதியாக உள்ளார்.

யூ டியூப்

இணைய தளத்தில் உள்ள யூ டியூப் சேனலில் எழுபதுக்கும் அதிகமாக சோதிடவியல் சீர்திருத்தக் கருத்துக்களை பதிவு செய்துள்ளார். அவை, அமாவாசையில் நல்ல நிகழ்ச்சிகள் தொடங்கலாமா, சந்திராஸ்டமம், விலங்குகளுக்கு சோதிடம்,பிரம்ம முகூர்த்தம், அயனாம்சம், பதினாறு சடங்குகள், யோகம், நவாம்சம்-வர்க்கமேன்மை, குழந்தை பிறப்பு, நட்சத்திர தோசம், ஏழரைச் சனி, திருமணம், முகூர்த்தம், ஏழாம் பாவகம், இரட்டைகுழந்தை சோதிடம், கேந்திராதிபத்ய தோசம், ஒரேஇராசி-நட்சத்திரம் பாவகோ காரநாஸ்தி, மானுட முயற்சியை தடுக்கிறதா, கூட்டு தசா, சோதிடம் பேராசை, ஒரே பலன்களை கூறமுடியவில்லையா, அதிர்ஸ்டம், சோதிடம் தன்னை இகழ், அனைத்து மதத்தினர்க்கும், சொந்தத்தில் திருமணம், ருது சாதகம், களத்திர தோசம், சிசேரியன் குழந்தை, தோசவிளக்கம், 6,8,12,பாவக விளக்கம், சமயமா-அறிவியலா, நவாம்சபலன், மேற்கத்திய சோதிடம், மரணகாலம், வெள்ளிக்கிழமை பிறப்பு, பத்துப்பொருத்தம், யோனிப்பொருத்தம், சூரியன் –செவ்வாய் இணைவு, கற்புநிலை, திருநங்கை சாதகங்கள், ஒரே நேரப்பிறப்பு, சாதி-மதப்பிரிவுகள், தாமதத்திருமணம், இராகு-சந்திரன், கணப்பொருத்தம், சோதிட நிபுணப்பிரிவுகள், புகுந்த வீட்டுப்பெண், திதி சூன்யம், அந்திசாய்ந்த சோதிடம், சோதிடம்சரியா, மானுடப் பயன், இந்திய சோதிட வரலாறு, போன்ற தலைப்புகளில் { vimalariias – you tube } நன்கு காணலாம். இக்கருத்துக்கள் அடங்கிய video cd க்களும் வெளியிட்டுள்ளார்.

VIMALANRIIAS TRUST

விமலன் இந்திய சோதிட அறிவியல் ஆராய்ச்சிக் கழகம் என்று கோயமுத்தூர் வடவள்ளியில் தொடங்கி நடத்திவருகிறார். இதில் சோதிடப் பாடங்கள் நடத்துவதும், பொது மக்களுக்கு சோதிடப்பலன்கள் கூறியும் வருகிறார். சோதிடத்தின் பல்வேறு பிரிவுகளில் ஆராய்ச்சியும் செய்து கொண்டிருக்கிறார். இவருடைய ஆராய்ச்சிக் கருத்துக்களை தனது vimalanriias.blogspot.com மூலமாக உலகினர்க்கு தெரிவித்தும் வருகிறார்.

நான் மேலே கூறிய நூல்களுடன் மேலும் பல நூல்கள் வேறு பாடப்பிரிவுகளுக்கு எழுதியுள்ளார். அவற்றை எல்லாம் கற்ற மாணவர்கள் இன்றும் பயன்படுத்திக் கொண்டு தான் இருக்கின்றனர். இனி மேலும் அனைவரும் கற்றுக்கொள்ள வாய்ப்புகளும் ஏற்படும். தனது vimalanriias ஆராய்ச்சிக்கழகம் மூலமாக அனைத்துப் படிப்புகளும் கற்கின்ற வாய்ப்புகள் ஏற்படும். எங்களது அனைவரின் வேண்டுகோளையும் ஏற்றுக் கொண்டு இந்த ஆண்டு முதல் பழைய படி பல்கலைக் கழகத்தின் மூலம் தமிழக மக்களை சந்திக்கவுள்ளார். முக்கியமாக ஆராய்ச்சி மாணவர்கள் நன்கு பயனடைவர்….

நான் சோதிடவியல் மாணவராக சேர்ந்த பொழுது இவர் ஒரு பகுத்தறிவு சோதிடராகவே காட்சியளித்தார். அதேபோல் பாடங்கள் நடத்தும் பொழுதும் மூடநம்பிக்கைகளை முற்றிலும் தவிர்த்து , உண்மையான சோதிட நுணுக்கங்களை கற்பித்தார். அனைத்து மாணவர்களையும் ஒன்று போல் கருதும் நல்லாசிரியராவார். தமிழகம் சோதிடத்தில் அறிவியலும், ஆராய்ச்சியும் கொண்ட பாதையில் செல்வதற்கு வித்திட்டுள்ளார். அதற்காக இரவும் பகலும் உழைத்துக் கொண்டிருக்கிற பேராசிரியர் முனைவர் தி. விமலன் அவர்கள் ஒரு ”சோதிட சகாப்தம்” என்றால் அது மிகையல்ல…

அன்புடன் பேராசிரியர் அவர்களுக்கு எனது இந்த பதிவை தங்களது blogspot லும் பதியும் படி வேண்டிக்கேட்டுக்கொள்கிறேன் …. மிக்க நன்றி………

C.J. BATHRINARAYANAN. M.A., M.Sc., ( Ph.D )
TREASURER
TAMILNADU STATE ASTROLOGY GRADUATES & POST GRADUATES ASSOCIATION… COIMBATORE .

Read More

ஸப்தரிஸிகளும்---- சோதிடமும் 02-02-2015.

ஸப்தரிஸிகளும் சோதிடமும்

எனது அன்பு நண்பர்களே !! மீண்டும் உங்கள் அனைவரையும் எனது பிளாகில் சந்திப்பதில் மகிழ்வுறுகிறேன்…..

நீண்ட நாட்களாக மனதில் இருந்த ஒரு பாரத்தை இக்கட்டுரை வழியாக உங்களிடம் இறக்கி வைக்க முன் வந்துள்ளேன்..

தொடக்க காலத்தில் சோதிடம் பற்றிய செய்திகளை அறிய முற்படும் பொழுது சிலர், சோதிடத்தை ரிஸிகள் தங்களது மெய்ஞானத்தில் கண்டு பிடித்தனர் என்று கூறினர்…. அப்பொழுது இது பற்றிய ஆய்வுகள் செய்வதில் முனைப்புக் காட்டாமல் ,சோதிடம் கூறுவதிலேயே ஆர்வம் அனைத்தையும் வைத்திருந்தேன்.  பின்னர் பலர் சப்தரிஸி நாடி நூலில் கூறியுள்ளது என்பதைக் கேள்விபட்டு அந்நூலை பார்க்கவும்,வாசிக்கவும் நேர்ந்தது..

அவ்வாறு படிக்கும் பொழுது பல சந்தேகங்கள் எழுந்தன. அவற்றை தீர்த்து வைப்பதற்காக சில சோதிடசிகாமணிகளை அணுகிய பொழுது அவர்கள் அரை குறையாகவே பதில் கொடுத்தார்களே தவிர முழுமையான எந்த ஒரு செய்தியும் கிடைக்கவில்லை.. பின்னர் நானே ஆய்வுகள் செய்து முடிவுகள் அறிவிக்கலாம் என்ற பொழுது எனக்கு முழு நேர ஆசிரியப் பணி கிடைத்துப் பணிக்கு செல்ல வேண்டியதாகிவிட்டது. அதனால் கூறமுடியவில்லை.. தற்பொழுது அக் கட்டுப்பாடு இல்லாததால் எழுதுகிறேன்….

ரிஸிகள் ;

இந்தியாவைப் பொருத்தவரை ரிஸிகள் இல்லாத கலாச்சார வாழ்வு இல்லை என்றே கூறலாம். அவ்வாறு மக்களுடைய வாழ்வில் முதன்மையான இடத்தைப் பெற்றவர்களாக ரிஸிகள் உள்ளனர்…. எந்த ஒரு சிக்களுக்கும் தீர்வு கூறுவதில் திறமை பெற்றவர்களாக இருந்துள்ளனர். ..இருக்கின்றனர்

ரிஸிகளிடம் மதிப்பும், மரியாதையும் உள்ளவர்கள் இந்தியாவில் அதிகமாகக் காணப்படுகின்றனர்… அதிலும் வட இந்தியாவில் கூடுதலாகவே உள்ளனர்… இவ்வாறு இந்திய ரிஸிகள், இந்திய மக்களிடம் அதிகாமாக செல்வாக்குப் பெற்றுள்ளனர்… தற்பொழுதுள்ள ரிஸிகளுக்கே இவ்வளவு செல்வாக்கு என்றால் , அக்கால ரிஸிகளுக்கு கேட்கவா வேண்டும்.. புராணக் கதைகளிலும், காவியங்களிலும், சமய நூல்களிலும் ரிஸிகளின் கூற்றே முதன்மையானது என்று இருந்துள்ளது.

இந்து சமயத்தின் வேதங்கள், இதிகாசங்கள், புராணங்கள் போன்ற அனைத்திலும் ரிஸிகளின் பங்கு அதிகமாக உள்ளன. வேதங்களை இயற்றிய அனைத்துப் பண்டிதர்களும் பெயர்கள் இல்லாமல் ஒரெ ஒரு பெயரான “ வியாசர் “ என்று கூறுகிறோம் அல்லவா…{ என்ன வேதங்களை பல பண்டிதர்கள் இயற்றினார்களா என்று சந்தேகம் வருகிறதா???.. நான்கு வேதங்களும் ஒருவரால் எழுதப்பட்டவை அல்ல..

ஒவ்வொன்றிற்கும் சுமார் 500 ஆண்டுகளுக்கும் குறைவான இடைப்பட்ட காலங்களில் உருவாக்கப் பட்டன. எனவே இவை அனைத்தும் பல மாணுடர்களால் எழுதப்பட்டவை ஆகும்.. ஆனால் அவர்கள் பெயர்கள் இடம் பெறவில்லை.. பொதுவாக வியாசர் என்று கூறப்படுகிறது.. இவ்வாறு சமய நூல்களில் பல பெயர்கள் உள்ள ரிஸிகள் உள்ளனர்.

இந்துசமய வேதத்தில் உள்ள வானசாத்திரத்தை தொகுத்தளித்த மகரிஸி லகதா வையும் ரிஸி என்றே அழைக்கிறோம். எனவே இந்தியர்களின் வாழ்வில் ரிஸிகளின் பங்களிப்பு அதிகமாகவே இருந்துள்ளது.

அதே பொல் இந்திய வானசாத்திரத்தில் பதினெட்டு சித்தாந்தங்கள் இருந்ததாக ஒரு கூற்றும் உள்ளது. ஆனால் அந்த சித்தாந்தங்களின் பெயர்கள் உள்ளனவே தவிர ,,, சித்தாந்தங்கள் இல்லை…. 

பதினெட்டு சித்தாந்தங்கள் :

1.சூர்ய…, 2.பிதாமக…,3.வியாச…,4.வசிஸ்ட…,5.அத்ரி….,6.பராசர…..,7.காஸ்யப….,

8.நாரத….., 9.கர்க….,10.மரீஸி….,11.மனு…..,12.ஆங்கிரஸ….,13. லோமஸ….., 14.பௌலிஸ..,15.ஸ்யாவன…,16.யவன….,17.பிருகு…,18.ஸௌனக….. என்று இவர்களின் பெயர்களைக் கொண்டே சித்தாதங்கள் இருந்ததாக வரலாறு கூறுகிறது… இந்த நூல்கள் எதுவுமே தற்பொழுது இல்லை….

சோதிட ரிஸிகள்

உண்மையில் சோதிட ரிஸிகள் என்று எவருமே இல்லை.வான சாத்திரத்தை அறிந்திருந்த ரிஸிகள் சோதிட சாத்திரத்தை எழுதவில்லை.

அப்படியானால் பராசர ஹோரா ஸாஸ்த்ரா என்ற சோதிட நூலை இயற்றியது பராஸர ரிஸி இல்லையா என்ற வினா எழுகிறது… உண்மையில் நமது இதிகாசப் புராணங்களில் கூறப்படும் பராஸரர் இந்த சோதிட நூலை இயற்றியிருப்பதற்கு வாய்ப்பே இல்லை… இவர் வாழ்ந்த காலமாக கூறப்படும் காலங்களில் வானசாத்திரமே வளர்ச்சியடையாத நிலையில் இருந்துள்ளது.. அப்படியிருக்கும்பொழுது, நன்கு வளர்ச்சி பெற்ற சோதிட நூலான பராஸர ஹோரா ஸாஸ்த்ராவை எழுதுவதற்கு வாய்ப்பே ஏற்பட முடியாது…. ஏனெனில் இந்நூலில் உள்ள 32 வகையான தசாக்களில் ஒன்று கூட வராகமிகிரரின் நூலில் இல்லை.. வராகரின் பிருகத் சாதகத்தில் உள்ள தசாகணிதம் வேறு மாதிரியாக உள்ளது.

புராணக்கதைகளின் படி வராகமிகிரர் ,,, பராசரர்க்கு பிந்தியவராவார்.. எனும் பொழுது முந்தியவரான பராசரரின் தசாகணிதத்தை வராகமிகிரர் எழுதியிருக்க வேண்டும் ,அப்படி எழுதவில்லை.. ஆனால் பராசர சோதிட நூலோர் ,,,வராகரின் தசா கணிதத்தை தவிர்த்து ,32 வகையான தசா கணிதத்தை கொடுத்தள்ளார்.. எனவே  வளர்ந்துபட்ட பராசர ஹோரா சாத்திர சோதிட நூல் வராகருக்குப் பிந்தியதாகும். வராகரரின் காலம் கி.பி. 6 ஆம் நூற்றாண்டாகும்..இவருக்குப் பின்னர் பராஸரர் வாழ்ந்ததாக கூற முடியாது… ஆதலால் பிருகத் பராஸர ஹோரா ஸாத்திர நூல் நல்ல ஒரு சோதிட அறிஞரால் இயற்றப்பட்டு, அவர் பெயரில் வெளியிடாமல் , ரிஸியின் பெயரால் வெளியிடப்பட்டுள்ளது…

இந்நூலைத் தவிர தமிழில் பல சோதிடநூல்கள் ரிஸிகளின் பெயர்களில் எழுதப் பட்டுள்ளன. அவற்றில் மொழிபெயர்ப்பு நூல்கள் , கௌஸிக ஸிந்தாமணி போன்ற தமிழ் சோதிட நூல்கள் அனைத்தும் நல்ல சோதிட அறிஞர்களால் எழுதப்பட்டதாகும். அவற்றிற்கும் நமது நாட்டின் ரிஸிகளுக்கும் எவ்வித தொடர்புகளும் இல்லை.

இக்கருத்துக்கு வலுசேர்ப்பதற்கு மற்றொரு காரணத்தையும் கூறலாம்… வளர்ந்துபட்ட சோதிட சோதிட க்கருத்துக்கள் உள்ள நூல்கள் அனைத்தும் கி.பி.5 ஆம் நூற்றாண்டிற்குப் பின்னர் எழுதப்பட்டதாகும்.. ரிஸிகளின் காலம் கி.பி. 5 ற்கு முந்தியதாகும். எனவே சோதிடர்கள் தங்களுடைய கருத்துக்களை மக்கள் ஏற்றுக்கொள்ள வேண்டும் என்ற அடிப்படையில் தங்களது சோதிட நூல்களில் ரிஸிகளின் பெயர்களைப் பயன் படுத்தியுள்ளனர்…

சப்தரிஸி நாடிசோதிட நூல்..

சென்னை கீழ்திசை சுவடி ஆராய்ச்சி கழகத்தின் சார்பில் 1950 க்குப்பின்னர் வெளியிடப்பட்ட நூல்களாகும். இவை மேசம் முதல் கன்னி வரை ஆறு இலக்னங்களுக்கு தமிழ் சோதிடப் பாடல்களுக்கு  விளக்கவுரையுடன் எழுதப்பட்டதாகும்.

ஒவ்வொரு இலக்னத்திற்கும் சுமார் 100 முதல் 150 சாதகங்கள் கொடுக்கப்பட்டு அதற்குப் பலன்களும் எழுதப்பட்டுள்ளன. இதில் உள்ள சாதகங்களின் கோள்கள் நிலைகள் அனைத்தும் கி.பி 1850 முதல் 1900 வரையுள்ள காலங்களுடையதாகும்… இக்காலங்களில் நிச்சயமாக எந்த ரிஸிகளும் வாழவில்லை.. சரி இக்காலத்தில் உள்ள கோள்கள் நிலைகளைக் கணித்து முன்னரே கூறியுள்ளனர் என்றால் எந்த ரிஸிக்கு தமிழ் மொழி தெரியும்????????????????/ சரிஅப்படியே தமிழ் தெரிந்த ரிஸி தான் எழுதியிருந்தாலும் முந்தைய காலத்தின் தமிழ் வான சாத்திர நூல் எங்கே என்ற பல வினாக்கள் எழுகின்றன.

இவ்வாறு பல்வேறு ஐயப்பாடுகளுடன் கூடிய சப்தரிஸி நாடி சோதிடம் நல்ல ஒரு சோதிடரால் எழுதப்பட்டதாகும்…அதற்காக பல ஆண்டுகள் எடுத்துக்கொண்டுள்ளார். உண்மையில் வரவேற்கப்படக்கூடியதாகும்..

ஆனால் அந்நூலின் தற்காலப் பயன் பாடு பற்றி சிந்திக்கும் பொழுது, எவ்விதப் பயனும் இல்லாததாகவெ உள்ளது..

நாடி சோதிட நூல்கள் என்பது பழங்காலத்தியது என்பது பொய்யான கூற்றாகும்.நாடி சோதிட நூல்கள், சுவடிகளில் உள்ள தமிழ் சோதிட பாடல்கள் என்பது எந்த ரிஸிக்கும் தெரியாத மொழியாகும். அனைத்து ரிஸிகளின் மொழிகளும் ஸமஸ்கிருதமே . ஆனால் நாடி சோதிட நூல்களில் உள்ள ரிஸிகள் ஸமஸ்கிருதத்தினர் எனும் பொழுது அவர்கள் எழுதிய பாடல்களும் சமஸ்கிருதமாகவே இருக்க வேண்டும்… அப்படியில்லை.. பாடல்கள் அனைத்தும் தமிழ் மொழியில் உள்ளன.. எனவே சப்தரிஸி நாடி சோதிட நூல்களின் கருத்துக்கள் தற்கால தமிழில் கவியுடன் பாடல் எழுதத் தெரிந்த சோதிடர்களாலேயே எழுதப்பட்டதாகும்.

இந்த சப்தரிஸி நாடி சோதிடத்தில் உள்ள சோதிடக்கருத்துக்கள் அனத்தும் தற்கால வாழ்விற்கு பயன் படக்கூடியதும் இல்லை…

சரி அகத்தியர் போன்ற ரிஸிகள் தமிழ் தெரிந்தவர் என்ற வினா எழலாம். நமது பல்கலைக் கழக தமிழ் ஆய்வாளர்கள் 41 அகத்தியர்கள் வாழ்ந்துள்ளதாக கண்டு பிடித்துள்ளனர். இதில் எந்த அகத்தியர் ரிஸியாக இருந்தார். அவர் வாழ்ந்த காலம் என்ன???? அப்பொழுது வான சாத்திர வளர்ச்சி என்ன?????/ அவருக்கு 1850 ல் உள்ள கோள்களின் நிலையைக் கணித்து பலன் கூற முடியுமா போன்ற பல வினாக்கள் எழுகின்றன…

இவற்றின் அடிப்படையைக்கொண்டு பார்க்கும் பொழுது ரிஸிகளின் பெயர்களில் உள்ள சோதிட நூல்கள் அனைத்தும் சோதிட அறிஞர்களால் எழுதப்பட்டது என்று முடிவிற்கு வர முடிகிறது….

அதேபோல் சப்தரிஸி நாடி சோதிட பாடல்கள் அனைத்தும் தமிழில் இருப்பதால், அவற்றை ரிஸிகள் எழுதவில்லை என்றும் , சோதிடர்களே எழுதினார்கள்,,, எழுதுகிறார்கள் என்றும்முடிவிற்கு வர முடிகிறது…….

பழையனவற்றை ஆய்வு செய்வோம் !!! ஏற்புடையதை பயன் படுத்துவோம்… பயனற்றதை மறுதலிப்போம்…

சோதிடத்தை நாம் ஆய்வு செய்தால் எல்லோராலும் போற்றப்படுவோம்… மற்றவர்கள் ஆய்வு செய்தால் அனைவராலும் தூற்றப்படுவோம்…

வாழ்க சோதிடம்……………..

மிக்க நன்றி……..

Professor. Dr.T.Vimalan…

02-02-2015.

Read More